Oferta prej 27 milionë funta nga Evertoni për të nënshkruar me talentin Moise Kean është refuzuar nga Juventusi.

Kean, i cili ishte pjesë e të rinjve te Juventusi që nga viti 2010, ka impresionuar vëzhguesit gjatë fundit të sezonit 2018/19 duke shënuar gjashtë gola në Serie A për t’i ndihmuar kështu “Zonjë së Vjetër” të sigurojë titullin e tetë radhazi, transmeton portali arbresh.info.

Marco Silva është në merkato për një tjetër sulmues pasi të dy – Cenk Tosun dhe Dominic Calvert-Lewin dështuan për të prodhuar performanca konsistente në pozitat frontale sezonin e kaluar.

Bazuar në një raport nga La Gazzetta dello Sport, shpresat e Evertonit për të siguruar nënshkrimin me një top sulmues kanë pësuar goditje pasi Juventusi refuzoi ofertën 27 milionëshe të klubit në Premierë Ligë për talentin e ri italian.

19-vjeçari, i cili bëri debutimin në Itali në fillim të këtij viti, raportohet të ketë tërhequr vëmendjen edhe të Ajaxit në këtë merkato.

Evertoni deri tani gjatë kësaj merkato ka siguruar shërbimet e mesfushori Andre Gomes nga Barcelona për 22.5 milionë funta dhe shërbimet e portierit Jonas Lossl falas nga Huddersfield Town./arbresh.info/